«Намыс» жастар қозғалысының белсенділері Алматыдағы Тәуелсіздік алаңында ел солтүстігіндегі екі облыс пен қала атауын ауыстыруды талап етті, бұл туралы Dalanews.kz порталы жазды.
Жастар желтоқсанда шейіт кеткен боздақтарға құран бағыштап, Қазақстан территориясына қатысты агрессиялық пікір айтқан ресейлік саясаткерлердің мәлімдемесіне наразылық білдірді.
«Никонов, Лимонов, Жириновский секілді дарынсыз саясаткерлер бүлік шығарғысы келіп, өздерінің сауатсыздығын көрсетті. Қазақтың намысына тиіп сайқымазақ болды. Олар кітап бетін ашып, аз да болса тарихқа үңілсе кімнің кім екенін білетін еді. Қазақтың намысты жастары барда олардың көздегені бола қоймайды», – деді қозғалыс басшысы Азамат Жолданбай.
Жастар ресейлік жоғары шенділердің сауатсыз мәлімдемесін жауапсыз қалдыруға болмайтынын жеткізді.